نصيحة لطلاب الثانوية العامة " الثانوية العامة مش البعبع "
- انا عايز اوجهلك رساله صغيره جدا ان الثانويه العامه مش هي البعبع ولا انها التوت فروت اللي ممكن تدمر حياتك .. لا لا بالعكس خالص .. انا عايزك تتاكد ان ده مش اول امتحان ليك ولا ده اخر امتحان ليك .. انت امتحنت قبل كده ولسه ياما هتمتحن فانت داخل على امتحان زيه زي اي امتحان انت مريت بيه قبل كده .. ولكن الفرق ان هو مقياس .. يعنى امتحان مصيري بيحدد مستقبلك فطبعا ده اللي مسببلك الرهبة .. لا يا سيدى .. انا مش عايز الرهبه دي تبقى عندك لان صدقني انت لو خفت من الامتحان انت عمرك ما هتوصل للمستوى ولا المجموع اللي في دماغك .. الامتحان لية رهبه تاكد من النقطه دي وفي نفس الوقت حارب النقطه دي يعني زي ما انت متاكد ان هو ليه رهبه تاكد ان انت اقوى منها .. انت لو تاكدت من النقطه دي هتوصل صدقني هتوصل .
- كل اللي انا عايزه منك انك تعمله ثلاث حاجات. اول حاجه ان يكون عندك يقين وثقه في ربنا ان هو هيكافئك لان انت تعبت .. عايزك لما تدعي في الشهر المفترج اللي احنا فيه ده وتقول" يا رب" .. تتاكد ان ربنا هيديك اكتر مما تتخيل . لما تدعي خلى عندك ثقه في الله اكثر .. و مااكونش بخيل على نفسي واتاكد ان انت طول ما انت عندك ثقه في ربنا ان ربنا هيديك اكثر مما تتخيل .
- النقطه الثانيه ان يكون عندك ثقه في نفسك ..ان انت تعبت وان انت وصلت لمرحله غيرك ما عرفش يوصل لها فلازم تثبت لنفسك والدنيا كلها ان انت قد التحدي .
- النقطه الثالثه عايزك تشتغل على نفسك ودي اهم نقطه فيهم لازم تبذل اكبر مجهود في حياتك ممكن تعمله علشان ربنا يكرمك انت ممكن تتعب شهر بس ويتقلك دكتور او ياشمهندس او يا استاذ او يا مستشار على حسب مجهودك وتعبك.. انا ممكن في الشهر ده اريح دماغي واقول يا عم كبر لها يا عم هي سنه وهتعدي وزي ما تيجي تيجي بس صدقني لو حسبتها كذا هتجي في يوم هتندم هتقول يا ريتني .. بس الفرصه بتيجي مره واحده بس يا ريت تستغلها ..
- لمعرف بقية النصائح أسمع الفيديو :-