نصيحه لكل الأمهات
- بتسالى نفسك أزاى أتعامل مع ابنى الى مطلع عينى فى المذاكرة ومش عارفه تذكريلة ولا هو راضى يسمع كلامك ولا حتى معبرك وعندى زى أبوه 😂 وغتت ودماغه نشفه .. ركزى معايه هقولك على شوية نصايح هتفيدك فى التعامل مع أبنك .
- السلام عليكم ورحمة الله وبركاته أزيكم يا جماعه عاملين ايه ؟ اتمنى أنكم تكونو بخير . كل سنه وأنتم طيبيبن بمناسبة شهر رمضان الكريم أولاً .. ثانياً أنا قررت اعمل سلسله متصله من الحلقات لجميع طلاب المرحله الابتدائيه السنادي ان شاء الله وعلشان كده قرر اوجه رساله لكل ولي امر .. خصوصا الامهات .. لان الطالب سواء كان في كي جي او في سنه اولى أو ثانيه او ثالثه أبتدائى معظم اولياء الامور اللي بيقعدوا معاه في البيت علشان يذاكرواله بتكون الام.. لاننا عارفين أن الرجاله معندهاش خلق ومطحون طول اليوم فى الشغل .. والطالب في الوقت ده سواء كان ولد او بنت بيكون قريب لامه ف أنا حابب اقوللك على شوية نصايح لازم تعمليها :-
- اول حاجه لازم تهتمي بابنك في مذاكرته للغه العربيه اولاً ثم اللغه الانجليزيه.. لان اي لغه في العالم مبنيه على اللغه العربيه فالطالب لو ما بيفهمش عربي مش هيفهم انجليزي ومش هيفهم اي لغه ثانيه في العالم .
- ثانياً لازم يكون عندك يقين ان ابنك لو شاطر في الإنجليزى هيكون شاطر فى المواد التانية لان زى ما أحنا عارفين الطالب الشاطر في الانجليزي شاطر في بقيه المواد .. فلو انت عارفه ان ابنك شاطر في الانجليزي تاكدي ان ابنك هيكون شاطر في بقيه المواد.
- ثالثاُ بحب اوجهلك نقطه معينه تكوني فاهماها أننا كمدرسين إنجليزى قبل ما بندرس منهج فاحنا بندرسه لغة .. يعنى ايه بقى الكلام ده؟ معناه ان انا النهارده لو قلت صباح الخير فى الأنجليزى معناها "good morning" مش هاجي بكره اغيرها .. مش هاقولك صباح الخير يعنى " good evening " أكيد لا .. انا حفظتها النهار ده واخذتها بالشكل ده في سنه اولى ابتدائي هاخذها بنفس الشكل في سنه ثانيه ابتدائي لحد الكليه فانا بامشي بسلسله متصله لكن انا مثلا ده في درس العربي اخذت نص احمد شوقي في سنه ثانيه ابتدائي من المحتمل أنه يتغير فى سنه ثالثه واخذ نص ثاني خالص .. ده بقى اسمه منهج ..والمعروف أن المنهج بيتغير اما اللغه لا تتغير.
- الاساس اللي انت هتكونيه في دماغ ابنك او بنتك في صغره هيكبر بيه وهو ده اللي احنا عايزين نعمله من النهارده عايزين الطالب يطلع من صغره عارف الكلمه بالنطق السليم ازاي يعرف يسبل الكلمه ازاي يقراها .
- انا دلوقت بابني عماره اول حاجه باعملها هي الاساس لو الاساس بتاعي سليم ومتين باقدر ابن العماره على حسب الادوار اللي انا عايزها أما الاساس بتاعي لو ما كانش سليم هاوصل لمرحله معينه وهاقف لاني لو كملت هيتهدم وهيقع على دماغي فالما أنا باسس أبنى صح بيوصل وهيوصل لدرجات عاليه أنتى تتمنى تشوفيه فيها .
- أن شاء الله من خلال السلسله اللي انت هتبيعها معايه وهتخلي ابنك أو بنتك يتابعها معايه هتشوفه فى مكان حابب تشوفها لابنك في المستقبل
- لما تيجي تذاكرى لابنك دائما ذاكريله بشك لترفيهى ما تحسسيهوش ان هو مجبرعلى الحاجه دي.. خليه هو اللي يجي راغب للمذاكرة فى الماده دي.
- قبل ما تختاريله وقت المذاكره اختاريله ا لمدرس اللي هو بيحبه أو المدرسه اللي هو بيحبها لانه لو راح عند المدرس اللي هو بيحبه تاكدي مليون في المئه أن الطالب هيذاكر لاجل اسعاد مدرسه.. لانه منتظر كلمه حلوه من مدرسه. انا لما اكون مرتاح نفسيا مع المدرس بتاعي انا هابذل اكبر مجهود عندي علشان أظهر مدى حبي ليه فدائما اختارى المدرس قبل الماده التعليميه .
- متقعديش ابنك أو بنتك مده طويله قوي في المذاكره على سبيل المثال ما تطلعيهوش من ماده العربي على الرياضه على الانجليزي .. "لا" اعلميله دايماتً بريك يعنى فاصل يعني الطالب مثلا النهارده لو ذاكر نص ساعه في ماده معينه وخلصها سبيه يلعب.. يعمل كل اللي هو عاوزة لانه لو قعد مده كبيره قوي فى المذاكره هيتعقد نفسيا ودماغه مش هتبقى حاضره ودي نقطه هتخسرك تعليم الولد لان الطالب في السن الصغير بيكون دماغه في اللعب اكثر من التعليم فانتى لو عملتى فاصل لدماغه .فانتى كده بتعمليلها ريفرش.. يعنى ابديت جديد .. فالطالب بيرجع ناسي كل اللي هو اخذه ويبدا معاك من جديد ودي بتقوي ذاكره الطالب وبتحسن من مستواه العلمى .
- انا عايزك دائما وانت قاعده مع ابنك تحببيه في الماده باي شكل من الاشكال .. ازاي ؟ في اكثر من طريقه 😉 الحافز رقم واحد . انا شايف ان ابني حفظ الكلمه دي النهارده وليكن مثلا كتاب يعنى " book" وعمره سنتين او ثلاثه او اربعه او ايا يكن سنه التعليمي اعمل ايه ? لازم تكافؤ ازاي ؟ عن طريق الحاجه اللي هو بيحبها بيحب يلعب اسيبه يلعب بيحب نوع معين من الاكل اعملهولو بيحب يشتري حاجه معينه اشتريها له.. بيحب يتفسح افسحه .. انا كده باشبع رغبات الطفل بطريقه غير مباشره .فبالتالي هيحب الحاجه اللي هو بيعملها ولو حب الحاجه اللي هو بيعملها تاكدى ان هو هيبدع فيها انا مش عايز اطول عليكى الموضوع اكثر من كده انا عندي كلام كتير عايز اقوله وانا عارف ان انت حابه تقرى بما أنك وصلتي للنقطه دى من الموضوع ..وبماانك حابه تقرى فانتى اكيد حبه تسالي وعلشان كذه سيبتلك رابط اليوتيوب لاى أستفسار .